मौन बस्नु जाति

सुन्दैनन् अर्ति भने, मौन बस्नु जाति
गन्दैनन् तिमिलाई भने, मौन बस्नु जाति ।

नकमाउनु बैरी संधै, उपदेश मात्रै दिई
चित्त तिम्रो नबुझे नि, ओठ कस्नु जाति ।

सांचो संधै तितो हुन्छ, औषधि नि तितै
मह तिमि दिंदै दिन्नौ, मनै झोस्नु जाति ।

थाप्नै पर्छ तिमिले हैंसे, ठूलाको होस्टेमा
जुध्नै हुन्न भित्ता सित, चिप्लो घस्नु जाति ।

बस्नै परे विपक्षमा, गर्नु मौन विरोध
तुहि जाने विरोध, भन्दा घुंडा धस्नु जाति ।