मीठा कुरा

तितो मनको मनमै राखि, कुरा मात्रै मीठा गर
जाल चाहे तिमि बुन, कुरा मात्रै मीठा गर ।

धराप चाहे तिमि थाप, सल्काइ देउ संसार
गरेपनि उसको खून, कुरा मात्रै मीठा गर ।

व्यापारी भई सपनाको, आशा चाहे तिमि बांड
डुबे पनि उसको जून, कुरा मात्रै मीठा गर ।

दियो उसको निभे पनि, सिन्दुर उसको पुछिएनि
नचाहेनि उसको हुन, कुरा मात्रै मीठा गर ।

तर खोलो विर्स लौरो, 'सुमन' यस्तै छ संसार
भएपनि कालो मन, कुरा मात्रै मीठा गर ।