निरीह मान्छे

धर्म र दर्शनको, ज्ञान र बिज्ञानको
व्याख्या गर्दछ यहाँ, एक निरीह मान्छे ।

युद्ध र वीरताको, इतिहास र राजनीतिको
पाना पल्टाउँदैछ त्यहाँ, एक निरीह मान्छे ।

भौतिकता र समाजवादको, साम्यवाद र रसायनको
अनेक प्रयोगमा व्यस्त छ कहाँ,  एक निरीह मान्छे ।

जलमा र थलमा, वायु र नभमा
राज गर्ने प्रयासमा छ जहाँ, एक निरीह मान्छे ।

आफुलाई सर्वमान्य ठानि, ए निरीह 'सुमन'
प्रकृतिलाई न जिस्का वहाँ, एक निरीह मान्छे ।