तिमि एक्लै

सुख मा सबै संग दुखमा तिमि एक्लै

उसैको नियम हो आउ तिमि एक्लै जाउ तिमि एक्लै

भिड भाड छ शहरमा छैन टेक्ने ठाउँ

हरायौ हुलमा फेरी तिमि फर्किदा त एक्लै

सभा र भेला बैठक र एकता

ठुलै जमातमा पनि तिमि त एक्लै

फलायौ फुलायौ बनायौ परिवार

छोडी गए एक एक फेरी तिमि त एक्लै

देख्यौ देखायौ स्वप्नील संसार

भयो बिहानी झल्याँस्स ब्युझिंदा त एक्लै

बिदाई

न सुन्यौ तिमीले न मैले बुझाए

अनर्थ जिन्दगीको क कसले सुझाए

रह्यौ मस्त साथी र संगी हरुमा

न सोध्यौ तिमीले न मैले बताए

मदिरा मा डुब्यौ धुवाँ मा उडायौ

सब चाल पाई पनि राज दबाए

न सुध्र्यौ आफै न मैले सुधारे

बनि मौन मतियार मैले बिराए

ढुक्क भै जाउ न पर्खे मलाई

हुर्काउछु यी दुइ फुल भनि म कराए

भेटौला फेरी कहिँ अर्को जुनीमा

साटौला मुटु सोची दिल रुवाए

याद

उकुस मुकुस बीच तिमि याद आयौ

जीवन मरण मा पनि तिमि याद आयौ

रंगीन दुनिया ,रमझम र सरगम

थिएनौ तिमि, वरपर हरदम

आनन्द उमंग, असीम रसरंग

बिर्सी सके थे  तिमीलाई संग संग

पिडा अनि दुखमा तिमि याद आयौ

बिदाई र बिरह मा पनि तिमि याद आयौ

मैले बिगार्दा तिमि कहाँ थ्यौ

रस रंगमा  म भुल्दा तिमि कहाँ थ्यौ

मदिरालयमा म झुल्दा तिमि कहाँ थ्यौ

गगनमा म उड्दा तिमि कहाँ थ्यौ

बर्बाद हुदा मात्र तिमि याद आयौ

निस्सासिएर मर्दा मात्र तिमि याद आयौ