म मरें

                               २०७६\०१\१८

जीवन बल्नकै लागी म मरें
मृत्यु छल्नकै लागी म मरें

तिम्रो मुस्कान छल्कि रहोस
नौनी मल्नकै लागी म मरें

खुशी उमंग फलोस फुलोस
दु:ख जल्नकै लागी म मरें

नाता साइनो कायम रहोस
शत्रु बदल्नकै लागी म मरें

यो माया अमर रहोस "सुवा"
म त "सुमन" गल्नकै लागी म मरें

जरूरी छैन

                                  २०७६\०१\१७

हामी मिले उनी खुशी होलान जरूरी छैन
तिम्रो मेरो चिना पनि मिल्नु जरूरी छैन

भुवा सरी कपास झैं मन उडे भयो
दुई चार बोतल ढल्नु जरूरी छैन

जीवन ज्यूनुको अर्थ भेटे भयो
ज्यू हजुरको पाउ मल्नु जरूरी छैन

एकआपसमा हाम्रो मन बुझे भयो
हाउभाउ र चालढाल बदल्नु जरूरी छैन

गर्विलो विजयी मुस्कान छर्न सके भयो
शत्रु महानको सेना गल्नु जरूरी छैन

डर

                                                 २०७६\०१\०९

थिचिएर निस्सासिएको भासु भीरको ढुंगो म
कर्मी भगवानले भेटे देउता बनाइने डर छ

भेलले पछारिएको काली बगरको ढुंगो म
माझी दाइले पक्रे देउता बनाइने डर छ

ठक्करले लछारिएको छतरी चौराहको ढुंगो म
स्वामी बाबाले टेके देउता बनाइने डर छ

पींधमा घुसारिएको पंच देवलको ढुंगो म
बाल बुद्धले देखे देउता बनाइने डर छ

झ्याउ फिजारिएको धुराको अलपत्र देउता म
तीर्थालु भक्तले जपे फेरी देउता बनाइने डर छ

मन लाग्छ

विरक्तिएँ भने दुनिया छोड़ी जाँउ जाँउ मन लाग्छ
फुरूंगिएँ भने तोते बोली कराउं कराउं मन लाग्छ

एक एक गरी सबैले छाडी गई सके पछि
निर्दयी काल देखी डराउं डराउं मन लाग्छ

जाल झेल कपट र षड्यंत्र देखे पछि
मन वस्तीको घरबार पनि सराउं सराउं मन लाग्छ

प्रेयसीको नजर अर्कै तर्फ सोझिए पछि
छेकि सकेको लगन पनि टराउं टराउं मन लाग्छ

नपिएको विषको असर देख्दा ए "सुमन"
त्यही विषको व्यापार गराउं गराउं मन लाग्छ