मुक्तक हरु

                                            २०७६/०५/२१
१. कति मौका नपाएर ईमानदार बने ?
    कति चौका नआएर ईमानदार बने ?
    सकुनि चाल त सबै चल्न खोज्छन् हजुर
    कति कपटि पासा नपाएर ईमानदार बने ?

२. बलेको होइन गलेकोलाई उठा
    चलेको होइन जलेकोलाई उठा
    तरवार त कायरले पो उठाउँछन् बाबु
    सक्छस भने नजरमा ढलेकोलाई उठा

३. कुकुर भुकेका छन् बिस्तारै आउनु
    नजर झुकेका छन् बिस्तारै आउनु
    सास रोकेर तिमिलाई कुरीरहेको छु
    यमदूत ढुकेका छन् बिस्तारै आउनु

                                             २०७६/०६/१२
४. ढक ढक गरे द्वारमा तिमिले खोलिनौ
    चिच्याए कराए बेकारमा तिमिले खोलिनौ
    प्रेमबुटी स्नेहलेप थियो तिम्रोलागी सौगातमा
    त्यो सबै बिक्यो भरमारमा तिमिले खोलिनौ

                                            २०७६/०६/१३
५. सुख समृद्धि बढोस हाम्रो दशैंमा
    कसैका लागी नबनोस चाम्रो दशैंमा
    शुभकामना उल्लासमय जीवनको
    मान्नेजति सबैको होस राम्रो दशैंमा

                                           २०७७/०६/२२

६. जन्मेको घर आफ्नो छाड्न छन् बाध्य बहिनी 

    लुकाउन दु:ख आफ्नो सिपालु छन् असाध्य बहिनी 

    आधा धरती आधा आकाश कि स्वामिनी तिमी 

    हरेक समस्या समाधान कि छन् साध्य बहिनी