२०७६ भाद्र १६
"ले बहादुर मलुली (न अमिलिएको) छाँच (मोइ)कि मैरी खा... , मेरो नाना..., मेरो कुत्त्या..., (नाना, कुत्त्या -प्रिय बच्चा लाई बोलाउने शब्द)" मेरी आमा (इजा) का ममतामयी शब्दहरु मेरालागी असह्य हुन्थे र म त्यो खाना लाई टाढा हुर्याईिदन्थे किनकी मलाई मैरी (मोइमा पकाईएको भात) उतिसारो मन पर्दैनथ्यो ।
त्यस्तो छुद्र र असह्य ब्यबहार गर्दा पनि आमाको मायामा कुनैकमी आउथेन र केही समय पछी फेरी भैंसीको सुद्ध दूधमा पाकेका केरा मुछेर दिदै भन्नु हुन्थ्यो " मैरी त नाइ खाएइ रे दूध ओल्या केला खा पुइ" (मैरी त खाइनस तर दूध मा मुछेका केरा त खाइ दे) त्यस पछी मैले मेरी आमामा उपकार गरे जस्तैगरी खान्थे तर दूधमा मुछेका केरा वास्तव मै धेरै स्वादिष्ट हुन्थे । चाड पर्वहरुमा अतिनै स्वादिष्ट माँडा (चामलको पिठो लाई लेदो जस्तैबनाई घ्यु हालेर तावामा पकाइने बहुतले रोटी) पकाएर दिनुहुन्थ्यो र म मीठो मानी मानी खान्थे । आज भन्दा ४० - ४५ वर्ष अघी उपर्युक्त परीकारहरु म हुर्केको ठाउँ महेन्द्रनगर मा विशेषरूपले प्रचलित थिए र राम्रो खानगीको बर्गमा पर्दथे यद्धपी ती परिकारहरु मेरा लागी नौला थिएनन् ।
स्वाभाविक बाल सुलभ ब्यबहार कै कारणले होला मैले मेरी आमाको अमूल्य ममतामयी अनुरोध हरुको अबहेलना गरेको । अहिले सम्झिदा मैले आफै लाई धिक्कार गर्न मन लाग्छ र आमाको ममतालाई बुझ्न नसकेकोमा पछुतो पनि लाग्छ । कहिलेकींहि एक्लै बसेको बेला उक्त कुरा सम्झिदा मन मुटुनै भक्कानिएर आउछ र डाँको छोडेर रुने मन लाग्छ ।
मैले किन बुझिन आमाको मायाको ओज, मैले किन लत्त्याए होला त्यस्ता खानेकुराहरु । अहिले म सम्पूर्ण भक्तिभावका साथ साष्टांग दन्डवत गरी माफी माग्न चाहन्छु । मैले नजानिकनै हजुरको ममतामयी मुटु दुखाए । म अहिले तिनै खानेकुराहरु हजुरकै हातबाट खान चाहन्छु । हे भगवान सम्भव छ भने मेरो बालापन फर्काइ दे, मलाई मेरी आमा को हातबाट सबै खानेकुराहरु मीठो मानी मानी खाने मन लागेको छ ।
जीवन निर्वाह गर्ने बाध्यताको कारणले मैले आमाको छत्र छाया बाट टाढा रहनु परेको छ | कैले काहि आमाको सामीप्य पाउन र आशीर्वाद लिन जाँदा मेरो रुची अनुसार "बहादुर त माँडा निका माडन्छ" बहादुर (म) लाई माँडा मन पर्छ भनी जसरी भए पनि मेरो लागी माँडा पकाउनु हुन्छ र म ती माँडा का हरेक गाँसमा आमाको मायाको स्वाद महसूस गर्दै खाने गर्छु तथा पल पल आमाको ममता बाट बन्चित हुनुपरेकोमा आफ्नो भाग्यलाई सराप्दै दुःखको घुड्को संगै निल्ने गर्दछु | यो जिन्दगानीको भाग दौडमा भाग्यमानी व्यक्तिहरूले मात्र आमाको ममतामयी छहारीमुनी रही सेवा गर्ने अवसर पाउँछन् र म यो मामलामा मेरो भाई समर जंग बहादुर चन्दलाई भाग्यशाली ठान्दछु | उसले निस्वार्थ भावनाले आमा बुवाको सेवा गर्ने अवसर प्राप्त गरेको छ उसलाई मेरो तर्फ बाट धन्यवाद तथा आशीर्वाद छ | मलाई विश्वास छ उसले आमालाई मेरो कमी महसूस हुन दिने छैन | हार्दिक आभार |
मैले कतिपय अवस्थामा अज्ञानतावस र कतिपय अवस्थामा बच्चैदेखी लागेको बानीको कारणले आमाको मायाको अवमुल्यन गरेको महसुस गरेको छु जसका लागी म मेरी अतीनै प्रिय, पूजनीय, ममतामयी आमा(ईजा) सँग क्षमा याचना गर्न चाहन्छु मलाई विश्वाश छ मेरी आमाले मलाई अवस्य क्षमा गरी दिनुहुनेछ ।
आफ्ना प्रिय सन्तानहरु लाई बोलाँउदा कसैले नाना, कुत्त्या जस्ता शब्द प्रयोग गरी बोलाएको देख्दा मेरी आमालेनै मलाई बोलाएको हो कि भन्ने भान हुन्छ । आज भन्दा ४० - ४५ वर्ष अगाडी सुद्ध दूध, सत् प्रतिशत अर्ग्यानिक (हाल धेरै प्रचलित शब्द) केरा, स्वादिलो शुद्ध मोइ, अर्ग्यानिक चामल (कुनैपनि विषादी र रसायनिक मल प्रयोग नगरिएको तथा ढिकिमा कुटिएको पोषणयुक्त) र दाउरामा पकाएको मैरी त्यस्तै अर्ग्यानिक चामलको पिठो, बास्नादार साथै दानादार घ्युमा पकाइएका माँडा पाउनु यो शहरीया जीवनमा कती नै संभव होला र ? तर मैले मेरी आमालाई भेट्न मात्र पाउनु पर्छ मेरी आमाले उक्त सबै खानेकुराहरु आमाको ममतामा मुछेर मायाको न्यानोपनले सेकेर पकाउन सक्नुहुन्छ । मेरी आमाले पस्कने खानाको तुलना शहरका 5G Kids हरुले गूगल गर्दै खोजेका रेस्टुरेन्ट र घरमै डेलिभरी गर्ने डेमलभरी ब्वायले ल्याउने पिज्जा, बर्गर र हट डग सँग कदापी हुन सक्दैन ।
मेरी आमा(ईजा) हजुरको ममता र आशीर्वाद मेरालागी सदैव रहीरहोस ।
त्यस्तो छुद्र र असह्य ब्यबहार गर्दा पनि आमाको मायामा कुनैकमी आउथेन र केही समय पछी फेरी भैंसीको सुद्ध दूधमा पाकेका केरा मुछेर दिदै भन्नु हुन्थ्यो " मैरी त नाइ खाएइ रे दूध ओल्या केला खा पुइ" (मैरी त खाइनस तर दूध मा मुछेका केरा त खाइ दे) त्यस पछी मैले मेरी आमामा उपकार गरे जस्तैगरी खान्थे तर दूधमा मुछेका केरा वास्तव मै धेरै स्वादिष्ट हुन्थे । चाड पर्वहरुमा अतिनै स्वादिष्ट माँडा (चामलको पिठो लाई लेदो जस्तैबनाई घ्यु हालेर तावामा पकाइने बहुतले रोटी) पकाएर दिनुहुन्थ्यो र म मीठो मानी मानी खान्थे । आज भन्दा ४० - ४५ वर्ष अघी उपर्युक्त परीकारहरु म हुर्केको ठाउँ महेन्द्रनगर मा विशेषरूपले प्रचलित थिए र राम्रो खानगीको बर्गमा पर्दथे यद्धपी ती परिकारहरु मेरा लागी नौला थिएनन् ।
स्वाभाविक बाल सुलभ ब्यबहार कै कारणले होला मैले मेरी आमाको अमूल्य ममतामयी अनुरोध हरुको अबहेलना गरेको । अहिले सम्झिदा मैले आफै लाई धिक्कार गर्न मन लाग्छ र आमाको ममतालाई बुझ्न नसकेकोमा पछुतो पनि लाग्छ । कहिलेकींहि एक्लै बसेको बेला उक्त कुरा सम्झिदा मन मुटुनै भक्कानिएर आउछ र डाँको छोडेर रुने मन लाग्छ ।
मैले किन बुझिन आमाको मायाको ओज, मैले किन लत्त्याए होला त्यस्ता खानेकुराहरु । अहिले म सम्पूर्ण भक्तिभावका साथ साष्टांग दन्डवत गरी माफी माग्न चाहन्छु । मैले नजानिकनै हजुरको ममतामयी मुटु दुखाए । म अहिले तिनै खानेकुराहरु हजुरकै हातबाट खान चाहन्छु । हे भगवान सम्भव छ भने मेरो बालापन फर्काइ दे, मलाई मेरी आमा को हातबाट सबै खानेकुराहरु मीठो मानी मानी खाने मन लागेको छ ।
जीवन निर्वाह गर्ने बाध्यताको कारणले मैले आमाको छत्र छाया बाट टाढा रहनु परेको छ | कैले काहि आमाको सामीप्य पाउन र आशीर्वाद लिन जाँदा मेरो रुची अनुसार "बहादुर त माँडा निका माडन्छ" बहादुर (म) लाई माँडा मन पर्छ भनी जसरी भए पनि मेरो लागी माँडा पकाउनु हुन्छ र म ती माँडा का हरेक गाँसमा आमाको मायाको स्वाद महसूस गर्दै खाने गर्छु तथा पल पल आमाको ममता बाट बन्चित हुनुपरेकोमा आफ्नो भाग्यलाई सराप्दै दुःखको घुड्को संगै निल्ने गर्दछु | यो जिन्दगानीको भाग दौडमा भाग्यमानी व्यक्तिहरूले मात्र आमाको ममतामयी छहारीमुनी रही सेवा गर्ने अवसर पाउँछन् र म यो मामलामा मेरो भाई समर जंग बहादुर चन्दलाई भाग्यशाली ठान्दछु | उसले निस्वार्थ भावनाले आमा बुवाको सेवा गर्ने अवसर प्राप्त गरेको छ उसलाई मेरो तर्फ बाट धन्यवाद तथा आशीर्वाद छ | मलाई विश्वास छ उसले आमालाई मेरो कमी महसूस हुन दिने छैन | हार्दिक आभार |
मैले कतिपय अवस्थामा अज्ञानतावस र कतिपय अवस्थामा बच्चैदेखी लागेको बानीको कारणले आमाको मायाको अवमुल्यन गरेको महसुस गरेको छु जसका लागी म मेरी अतीनै प्रिय, पूजनीय, ममतामयी आमा(ईजा) सँग क्षमा याचना गर्न चाहन्छु मलाई विश्वाश छ मेरी आमाले मलाई अवस्य क्षमा गरी दिनुहुनेछ ।
आफ्ना प्रिय सन्तानहरु लाई बोलाँउदा कसैले नाना, कुत्त्या जस्ता शब्द प्रयोग गरी बोलाएको देख्दा मेरी आमालेनै मलाई बोलाएको हो कि भन्ने भान हुन्छ । आज भन्दा ४० - ४५ वर्ष अगाडी सुद्ध दूध, सत् प्रतिशत अर्ग्यानिक (हाल धेरै प्रचलित शब्द) केरा, स्वादिलो शुद्ध मोइ, अर्ग्यानिक चामल (कुनैपनि विषादी र रसायनिक मल प्रयोग नगरिएको तथा ढिकिमा कुटिएको पोषणयुक्त) र दाउरामा पकाएको मैरी त्यस्तै अर्ग्यानिक चामलको पिठो, बास्नादार साथै दानादार घ्युमा पकाइएका माँडा पाउनु यो शहरीया जीवनमा कती नै संभव होला र ? तर मैले मेरी आमालाई भेट्न मात्र पाउनु पर्छ मेरी आमाले उक्त सबै खानेकुराहरु आमाको ममतामा मुछेर मायाको न्यानोपनले सेकेर पकाउन सक्नुहुन्छ । मेरी आमाले पस्कने खानाको तुलना शहरका 5G Kids हरुले गूगल गर्दै खोजेका रेस्टुरेन्ट र घरमै डेलिभरी गर्ने डेमलभरी ब्वायले ल्याउने पिज्जा, बर्गर र हट डग सँग कदापी हुन सक्दैन ।
मेरी आमा(ईजा) हजुरको ममता र आशीर्वाद मेरालागी सदैव रहीरहोस ।
No comments:
Post a Comment