बात लागेन

                                                         २०७६/०३/०५

तिम्रै नजरको तीरले म मरें तिमिलाई कुनै बात लागेन
वैंशालु नशा भरपूर थियो तिमिलाई कुनै मात लागेन

तिम्रा खुशी खरीद गर्न सबै रहरहरु धितो राखें
चढाएं आफ्नै वली तिमिलाई कुनै सौगात लागेन

ज्वालामुखी विस्फोट भयो तहस नहस भयो ज़िन्दगी
चर्क्यो मेरै बिचरो मुटु तिमिलाई कुनै औकात लागेन

आंसुहरुको बाढी आयो प्यास बुझाउन मरुभूमिको
तड्पे कल्पे बरबाद भएं तिमिलाई फिका बरसात लागेन

आउने जाने सबले सोधे के भयो तिमिलाई "सुमन"
तिम्रै प्यारमा पागल भएं तिमिलाई सानो मुलाकात लागेन