जगदल

                                २०७१ साल

सेनाको कर्मठ एक बल
वीर योद्धाहरुको जगदल

नभ संग्रामको सारथी
देश र जनताको महारथी
रिपुमा निरन्तर बज्रिने
सगरमाथा झैं आकाशमा ठडिने

देशमा समर्पित एक बल
धीर लडाकुहरुको जगदल

पुर्खाको साहसले सजेको
पौरखी हातले धजेको
धैर्यको ढालले अडेको
वीरको रगतले सिंचेको

हरदम तयार एक बल
अजेय अमर जगदल

सदैब सेवामा खट्टिने
सर्वत्र देशमा रट्टिने
सुरक्षा गर्नमै लट्ठिने
वायुवैरी हरु भुट्टिने

आकाशै ताकने एक बल
त्यागी शहीदहरुको जगदल

सेनाको कर्मठ एक बल
वीर योद्धाहरुको जगदल